Gəldim, gəldim! "Qaç" deyiləndə yerində dayana bilməyən o rekordçu qız var ha, o mənəm! Elə bil mənim işim dünyada hər şeyin dalınca qaçmaqdır. Məsələn, bacıma kömək lazımdır? "Qaç, Gizəm!" Nənəmin ördəyi itib? "Qaç, Gizəm!" Dükana getmək lazımdır? "Qaç, Gizəm!" Hə-ə, bir də şirin-şirin xəyallarım var, məni dallarınca qaçırdırlar! Əslində, hər şey təkərli bir evimin olmasını istəməyimlə başladı. Dünyadakı bütün evlərin yerinə bərkidilmiş olduğunu fikirləşsək, bu heç də əyləncəli vəziyyət sayılmaz! Amma hamı evinə minib istədiyi yerə gedə bilsəydi, heç kim darıxmazdı. Bunun üçün də nə lazımdır? Evlərin altına təkər! Necə deyirlər? Əvvəlcə xəyal qur! Sonra hərəkətə keç! Elədirsə, xəyallarıma şərik olun... İşə qaçmaqla başlaya bilərik. Hamınıza tez-bazar xoş gördük!