Adımı demirəm. İçinizdə hələ də məni tanımayanlar varsa, inciyərəm. Bu artıq üçüncü kitabdır e! Birbaşa mövzuya keçim. Nə maraqlı tətil idi bu! Birinci dəfə anamla mən tətilə çıxmışdıq, bacımla atam gəlməmişdilər. Kappadokiya tətilinə Pərixan dostum, dayım oğlu Tayfun, rəfiqəm Ceyda və Ceydanın anası ilə birlikdə getdik. Başımıza elə şeylər gəldi ki, bunu danışmaq olmaz, ancaq yaşamaq lazımdır... Eh-h, yaramaz dayım oğlu Tayfun yenə dinc dayanmadı! Onu axtaranda başımıza daha nələr gəldi. Onun ucbatından əvvəlcə hava şarına mindik, sonra da qəribə macəraya düşdük... Sən demə, Kappadokiyanın gizli yerləri gözləyirdi ki, biz gedib kəşf edək. Zarafat etmirəm, Toraman adlı şarsürən oğlanla Nevşəhərin ucsuz-bucaqsız coğrafiyasında azıb qaldıq. Elə bil filmə düşmüşdük. Təhlükəli xatirələr və sirlərlə dolu bu unudulmaz macəranı səninlə də bölüşməyə tələsirəm. Yaxşı, getdik!